Фото "Алтарганахан" - Манай 52 "Ая-ганга" сэсэрлиг

Манай 52 "Ая-ганга" сэсэрлиг

К сообществу
Описание
Манай 52 «Ая-ганга» сэсэрлиг
      52- дохи «Ая-ганга» сэсэрлигэй гол хүгжэлтын нэгэниинь хадаа түрэл буряад арадай баялигтай танилсалга болоно. Хүүгэдэй сэсэрлигэй үхибүүдые түрэл буряад хэлэн дээрээ хэлүүлжэ hургаха, ухаан бодолой, уран hайханай талаар хүгжөөхэ гэhэн гол зорилгонуудай нэгэн болоно.
2020 оной январь hараhаа, 2 жэлэй турша соо манай сэсэрлигтэ БРИОП-ой педагогикын ба психологиин кафедрын хүтэлбэри доро буряад бүлэг туршалга гаража байна.
2021 оной августын конференцида энэ туршалгаараа проект хамгаалжа, МИП- город- среда развития образования" гэhэн нэрэ зэргэдэ хүртөөбди.
Манай сэсэрлигтэ 345 хүүгэд ябана.10 бүлэгүүд сооhоо- 2 бүлэг(69 үхибүүд) туршалгада хабаадажа, бүхы hуралсалай үйлэнүүд буряад хэлэн дээрэ үнгэргэгдэнэ. Эдэ бүлгэмүүд соо 90% буряад үхибүүд, 10%-ондоо яhатанай үхибүүд.
Багашуулай бүлэг- 1 , 33 үхибүүд (2hоо 3 наhанай болотор) ябадаг.
 Хахад үдэрэй туршада ябадаг үхибүүд (ГКП) 9 болоно.
 321 үхибүүд- 3-hаа 7  болотор наhанай үхибүүд болоно.
       Манай 52- дохи "Ая ганга" сэсэрлигэй коллектив 2020 оной сентябрь hарада бэелүүлэгдэhэн  hуралсалай гол программаар ажалаа ябуулнабди. Һургуулида ороодүй үхибүүдэй ,Белькович В.Ю., Гребенкина Н.В, Кильдышева И.А авторнуудай "Мозаика" гэhэн программада үндэhэлэн, ФГОС- ой эрилтэтэй программа бэшэгдэhэн.
           Шэнэлэн байгуулгын hуралсалай үйлэнүүд гэхэдэ: 
- "от Фрёбеля до робота: растим будущих инженеров" гэhэн нэмэлтэ программада хабаадалга;
- Федеральна пилотна площадкын талаар "Мозаичный парк" гэhэн программада хабаадалга;
- "Дети Маяки 03""Бурятия без отходов" гэһэн нэмэлтэ hуралсалай программа туршалга.
         Иимэ нэмэлтэ hуралсал бэелүүлэгдэнэ: 
-3Д нүхэд" гэhэн робототехникын ба лего зохёон байгуулгын студи;
- "Эдир аянша" экологиин түб:
- "Буряад байшан" интерактивна музей;
- Үхибүүдэй фитнес;
-hургуулида бэлэдхэл болоно.

    «Ая ганга» сэсэрлиг  тусхай мэргэжэлтэй багшанараар ба хүмүүжүүлэгшэнүүдээр 100% хангагданхай:
1. "Отличник просвещения" гэhэн нэрэ зэргэтэй- 1 хүн
2."Почетный работник в сфере образования РФ"-2 хүн
3. Заслуженный учитель РБ-1 хүн
4. 1-дэхи категориин- 4 хүн
5. Дээдэ шатын категоритой- 1 хүн.
Бүхы коллектив соо 16 хүмүүжүүлэгшэд ажалладаг, 4 мэргэжэлтэд ( хүгжэмэй багша-1, педагог- психолог-1, тамирай багша- 1,буряад хэлэнэй багша-1, 2 ахамад хүмүүжүүлэгшэд).
Бүхы дээрээ сэсэрлигэймнай ажал-багша, хүмүүжүүлэгшэ бүхэн өөрынгөө мэргэжэл дээшэлүүлхэ,сагай эрилтээр шэнэлэн хүгжөөхэ гэhэн эрилтэ табина. Хүмүүжүүлэгшэ бүхэн өөрын бүлгэм соогоо таарама байдал тогтоожо, зохёожо, үхибүүдые эрхим hайнаар хүгжөөхэ зорилготой хүдэлнэ.
1дэхи корпустамнай хүгжэмэй зал үгы, тиибэшье бүлэг бүхэн соо фортепиано, хүгжэмэй, тамирай хэрэгсэлнүүд бии.
Үхибүүдтэ дүүрэн шанартай hуралсал үгтэнэ, зохёохы ажал ябуулагдана .
Бүхы сэсэрлигэй коллектив болон үхибүүд ба гэртэхинэй хабаадаhан ба хүтэлбэрилһэн проектнууд гэхэдэ:
1. "Үбэлдөө шубуудые эдеэлүүлэе","Шубуудай үбэлэй эдеэн"- гэhэн байгаали хамгаалгын хотын акци .
2." Спасём планету от пакета" экологическа акци. 
3. 2021 оной майн 20до гэр бүлын сквер соо модо hуулгалгын проект.
4. "Окна России", "Свеча памяти", «Своих не бросаем» акцинууд.
5."Национальные парки без мусора" гэhэн проект  гэхэ мэтэ.

Үнгэргэгдэһэн хэмжээ ябуулганууд :

-2020 оной октябрь hарада- хотын сэсэрлигүүдэй хоорондо буряад хэлээр олимпиада;
-2020 ондо Буряад уласай сэсэрлигүүдэй хоорондо буряад хэлээр олимпиада; 
-2021 ондо "Гурбан бэрхэ" гэhэн хотын зохёохы конкурс .
    3-дахи жэлээ манай сэсэрлиг Республикын правительствын талаар үнгэргэгдэhэн грантово конкурсада хабаадажа мүнгэ салинтай боложо РППСэй байдал һайжараа. Сэсэрлигэй үхибүүдые буряад арадайнгаа ёhо заншалтай, ажабайдалтай танилсуулжа,"Ая ганга" гэhэн үхибүүдэй этнографическа проект бэелүүлэгдээ. 
Мүнөө дээрээ эндэ харилсаанай талаар бидэ hайн дүнгүүдые харанабди.
- буряад хэлэ ойлгодоггүй үхибүүд- буряад хэлэ ойлгожо эхилээ;
-буряадаар дуугардаггүй үхибүүд-буряад үгэнүүдые өөрынгөө хэлэлгэдэ хэрэглэжэ эхилээ.
    2 жэлэй турша соо үнгэргэгдэжэ байhан энэ туршалга- экспериментын дүнгүүд :
- гэртэхинээр суг бэелүүлhэн баталамжанууд ба гэршэлhэн дансануудые гаргалга;
- буряад бүлгэмүүдтэ хэрэглэхэ hуралсалай программануудые бэелүүлгэ.
Энэ ажалаймнай дүнгүүд :
-Буряад фм радиотой нягта холбоотой хүдэлжэ, hара бүхэндэ үхибүүднай буряад хэлэнэйнгээ мэдэсэ харуулга;
- "Үльгэр" хүүхэлдэйн театртай холбоо барисаатай хүдэлмэри;
- "Жаргал" Хэжэнгын хүүгэдэй сэсэрлигтэй хамта "Уран гархан" гэhэн нэмэлтэ программа бэшэгдээ;
- МБДОУ №97"Земляничка" сэсэрлигтэй хамта ажал ябуулагдана.
        Эрхим hайн энэ эксперимент - туршалгаа ябуулхын  тула, регион хоорондын конференци болон олон тоото семинарнуудта, конкурснуудта хабааданабди.
1." Интеграция образовательных областей - вызов современности" гэжэ семинар - практикум Улаан- Үдэ хотын Советскэ районой сэсэрлигүүдэй дунда үнгэргэгдөө;
2."Мокрое валяние шерстью"- нэмэлтэ программаар презентаци буряад хэлэнэй багша Санжаева Д.Д харуулаа;
3. 3Д-Нүхэд" Космос"- от Фрёбеля до робота" кружогой презентаци болоо;
- "Эрхим хүмүүжүүлэгшэ-2021" гэhэн республиканска конкурсда хабаадажа, Дашиева Д.Б илалта туйлаа;
- "Хүмүүжүүлэгшэ-2022" гэhэн хотын конкурсда тамирай багша Каляев Д.А хабаадаа.
- "Залуу багша-2022"-хотын мэргэжэлтэдэй конкурсда Сергеева Ю.В хабаадаhан байна.
-"Родные языки народов России в системе дошкольного образования: современное состояние и перспективы развития" гэhэн Сыктывкар хотодо 2020 оной октябрь hарада үнгэрhэн Бүхыроссиин конференцида ахалагша хүмүүжүүлэгшэ Дашиева Д.Б хабаадаhан байна;
- "Интеграционные процессы в этнокультурной среде" гэhэн Уласхоорондын эрдэмэй 2-дохи форумда, Барнаул хотодо ахалагша хүмүүжүүлэгшэ Дашиева Д.Б хабаадаа;
- "Преподавание родных языков в совр. условиях: эффективные методики и технологии" гэhэн Бүхыроссиин эрдэмэй конференцида 2020 декабрь hарада 3 секцида( Зав. Цыренжапова С.З, ахамад хүмүүжүүлэгшэ Дашиева Д.Б., буряад хэлэнэй багша Санжаева Д.Д, хүмүүжүүлэгшэ Цыренова Б.Н.) хабаадаhан байна.
-"Родные языки народов России в системе образования и поликультурного воспитания" гэжэ регион хоорондын эрдэмэй симпозиумда 2021 оной февраль hарада хүмүүжүүлэгшэд Бадмаева Е.А ба Цыренова Б.Н. хабаадаа.
- "Изучение бурятского языка в дошкольном образовании: опыт, проблемы, перспективы- гэhэн хотын 1-дэхи фестивальда 2021 оной апрель hарада ахамад хүмүүжүүлэгшэ Дашиева Д.Б хабаадаа.
     Хотын ажабайдалда түрэл буряад хэлэеэ хүгжөөхэ гэжэ хүнгэн бэшэ ажал гэжэ булта мэдэрнэбди. Тиибэшье, хэжэ байhан ажалаа хараад үзэхэдэ, хотын гэр бүлэнүүд хүдөөгэйхидэ ороходоо буряадаар хэлэхэhээ байха, ойлгодогшьегүй  байхадань, буряад хэлэеэ хүгжөөхэ, буряад хэлэндээ hургаха гэhэн зорилготой хүдэлнэбди.  Эндэ - бэелүүлэгдэhэн зорилгонууднай, туйлалтанууднай харагдана. Энэ туршалга- экспериментээрнай олон зон hонирхожо, Россиин гүрэнэй ондоо регионуудшье бэелүүлхэ аргатай болонхой.
Энэ ажалдамнай баhал дутуу дунданууд дайралдана:
1.  Буряад хэлэтэй багшанар, хүмүүжүүлэгшэд дутана;
2.  Методическа программанууд үсөөн;
3. Манай 1- дэхи корпуста хүгжэмэй, тамирай залнууд үгы, нэмэлтэ хэрэгсэлнүүд дутана;
4. Методическа пособи гаргахада, мүнгэнэй талаар hомологдоногүй.
Ерээдүйн хүгжэлтэ:
- hуралсалай жэлнүүдтэ ФГОС-ой эрилтээр олон тоото ажаябуулганууд хараалагданхай:
- үхибүүдэй бэе тамир hайжаруулгын ажал ябуулганууд;
- үнгэргэгдэжэ байhан олон янзын конкурс, семинарнуудта  хабаадалга;
- hургуулида орохо наhанай үхибүүдтэ таарама байдал тогтоохо;
- коллективай багшанар ба хүмүүжүүлэгшэд саг соогоо мэргэжэлээ дээшэлүүлгын курснуудые, аттестаци гаралга;
- шэнэлэн байгуулгын hуралсалай үйлэнүүдые бэелүүлхэ, бүтээхэ.
- түрэл буряад хэлэеэ үхибүүдээрээ хамта шудалха ажал  hайн ябуулха болоно.
МАДОУ Детский сад №52 "Ая-ганга" общеразвивающего вида . Обновлено: 6 мес. назад
Место: Улан-Удэ
Комментарии
Все (0)
Место:

Улан-Удэ Крупнее
Другие альбомы сообщества

Фото от МАДОУ Кижингинский детский сад «Сэсэг»
54 фото
Фото от МАДОУ Детский сад №52 "Ая-ганга" общеразвивающего вида
54 фото
Түсэл "Тоонто нютагни"
7 фото
Хабар. Сэсэрлигэй талмай дээрэ.
12 фото
Хабар. Худанай эрьеэр аяншалга.
7 фото